25 студзеня ў Ашмянскім краязнаўчым музеі імя Ф.К.Багушэвіча адбыўся вечар-элегія "Музыка - пасрэдніца паміж жыццём розуму і жыццём пачуццяў…”. У мерапрыемстве прынялі ўдзел дырэктар Ашмянскай дзіцячай  школы мастацтваў – Мажэйка Ж.А., настаўнікі і вучні школы мастацтваў, карэспандэнт газеты "Ашмянскі веснік” Аліна Санюк і фотакарэспандэнт Святлана Муцянская, вучні эстэтычнага класа СШ №3 г.Ашмяны. На працягу вечара можна было не толькі пазнаёміцца з гісторыяй музыкі і музычных інструментаў, але і паслухаць яе ў выкананні юных музыкантаў – вучняў мясцовай школы мастацтваў і іх настаўнікаў.