Выстаўка "Гальшанскі АЛЬФАБЭТ” – спроба паказаць гісторыю мястэчка пачынаючы з XVII стагоддзя (часу будаўніцтва знакамітага замка і да трагічных падзей XX стагоддзя).

         Назву выстаўка атрымала ад спробы прадставіць гісторыю і культуру Гальшан храналагічна "ад А да Я”.

         Усе прадстаўленыя ў экспазіцыі дакументы, фотаздымкі і малюнкі структурна падзелены на 3 тэмы:

1.     Гісторыя Гальшанскага палаца.

2.     Планы і карты вёскі ў першай палове ХІХ стагоддзя, іх параўнанне з планамі буйных еўрапейскіх гарадоў.

3.     Фотаздымкі і сведчанні пра лёс гальшанскіх яўрэяў, большасць з якіх у пачатку ХХ стагоддзя імігрыравалі ў ЗША.

Дакументы, прадстаўленыя на выстаўцы, збіраліся ў архівах Мінска, Варшавы, Вільнюса. Частка матэрыялаў знойдзены ў Нью-Йорку, дзе жывуць паслядоўнікі былых жыхароў мястэчка.