3 чэрвеня 2015 на базе Ашмянскага краязнаўчага музея імя Ф.К. Багушэвіча   адбыўся семінар дырэктараў і  навуковых супрацоўнікаў музеяў  вобласці “Сучасная пастаянная экспазіцыя і выстаўкі ў музеі: тэорыя і практыка”. Слова для адкрыцця семінару меў намеснік старшыні раённага выканаўчага камітэта А.А. Саванец.  Акрама супрацоўнікаў музеяў у  мерапрыемстве прынялі ўдзел намеснік начальніка ўпраўлення ўстаноў культуры і народнай творчасці Міністэрства культуры Рэспублікі Беларусь В.І. Макарава, галоўны спецыяліст галоўнага ўпраўлення ідэалагічнай работы, культуры і па справах моладзі Гродзенскага аблвыканкама А.М. Коханава, І.Я. Раханскі - кіраўнік праектнага бюро ГА “Беларускі камітэт “ИКОМОС”, аўтары мастацкай канцэпцыі А.А. Выгонная і Н.В. Дарашкевіч, начальнік аддзела ідэалагічнай работы, культуры і па справах моладзі  Смаргонскага райвыканкама Т.М. Ражэва.

         Пасля абмеркавання запланаваных пытанняў і дыскусіі, удзельнікі семінару наведалі Мемарыяльны комплекс памяці герояў Першай сусветнай вайны ў Смаргоні і музей-сядзібу Міхаіла Клеафаса Агінскага ў Залессі.

         4 чэрвеня работа семінара працягнулася ў Смаргонскім гісторыка-краязнаўчым музеі.